mUhabbaton ka hisaab tha na adawaton ka shumaar thaa
kabhii us kii zaat azaab thii, kabhii rooh ka wo Qaraar thaa
merii pyaas itnii hii barh gayii keh saraab jitney milay mujhey
hua dhoka jis pey gulaab ka wo sulagta, jalta sharaar thaa
usay main ney murr ker sada na dii keh palat gaya tha wo rah sey
main khizaN hua to pata chala, merii zaat ka wo nikhaar thaa
tu bhii door haii, main bhii door hoon, kyun alag huye yeh raastey
terii chahaton ka guraiz thaa ya merii ana ka hisaar thaa
wo agar kissi ko milay kaheen to koii bata dey ussey zara
merey fun-e-shairr kii be-khudii, terey ishQ hii ka khumaaR tha...!!!
Pakistan Rupee Exchange Rate
No comments:
Post a Comment