Teri khushbu ka pata karti hai

Teri khushbu ka pata karti hai 
mujh pey ehsaan hawa karti hai 

choom kar phool ko aahista sey 
mojza baad-e-saba karti hai 

shab ki tanhaai men ab to aksar 
guftagu tujh sey raha karti hai 

dil ko uss raah pey chalna hi nahin 
jo mujhey tujh sey juda karti hai 

zindagi meri thi lekin ab to 
terey kehney men raha karti hai 

uss ney dekha hi nahin varna yeh aankh 
dil ka ehwaal kaha karti hai 

beniyaaz-e-kaf-e-dariya angusht 
rait par naam likha karti hai 

dekh to aakar chehra mera 
ek nazar bhi teri kaya karti hai 

shaam parrtey hi kisi shakhs ki yaad 
koocha-e-jaan men sadaa karti hai 

mujh sey bhi us ka hai waisa hi sulook 
haal jo teraa ana karti hai 

dukh hua karta hai kuch aur bayaan 
baat kuch aur hua karti hai 

abr barsey to inaayat uss ki 
shaakh to sirf dua karti hai 

masla jab bhi utha chiraagon ka 
faisla sirf hawa karti hai.