khushbu hai woh to chhuu k badan ko guzar na jaaye

khushbu hai woh to chhuu k badan ko guzar na jaaye
jab tak merey wajud k andar utar na jaaye

khud phuul ney bhi hont kiye apney niim-wa
chori tamaam rang ki titli k sar na jaaye

is khauf sey woh saath nibhaney k haq men hai
kho kar mujhey yeh larki kahin dukh sey mar na jaaye

palkon ko us ki apney dupattey sey poonch duun
kal k safar men aaj ki gard-e-safar na jaaye

main kis k hath bhejun usey aaj ki dua
qasid hawa sitara koi us k ghar na jaaye