Khushboo Say Uss kay Lafaz Thay Chehra Chaman Sa Tha
Daikha Ussay To Bol Parray Uss Kay Khad o Khaal
Poocha Ussay To Chup sa raha, Kam Sukhan Sa tha
Tanhaaiyon Kee Rutt Men Bhi Lag'ta Tha Mut'mayeen
WOh Shakhas Apni Zaat Men Ik Anjuman Sa Tha
SOcha Ussay To Mein Kaee Rangoon men Kho Gaya
Aalam Tamaam Uss Kay Haseen Payr'han Saa Tha
Jo Shaakh Shaakh Thee woh Ussi Kay Labon See Thi
Jo Phool Khil Gaya Tha Woh Ussi Kay Dehan Saa Tha
Woh Saadgi Pehan Kay Bhi Dil Mein Utar Gaya
Uss Ki Har Ik Ada Men Ajab Bholpan Saa Tha
Asaan Samajh Rahay Thay Ussay Shehar e Jaan Kay Log
Mushkil Tha Iss Qadar Keh Mairay Apnay Fun Sa Tha
Woh Guftagoo Thee Uss Ki, Ussi Kay Liye Hee Thee!
Kehnay Ko Youn To Mein Bhi Shareek e Sukhan saa Tha
Taaray Thay Chandni men Keh Tohmat Kay Daagh Thay
Mohsin Kal Asmaan Bhi Mairay Kafaan Sa Tha
Pakistan Rupee Exchange Rate
No comments:
Post a Comment