muhabbat kaya hai?

muhabbat aisa naghma hai
zara bhi jhol ho lai meN
to sur qaayam nahiiN hota

muhabbat aisa shola hai
hava jaisi bhi chalti ho
kabhi maddham nahiiN hota

muhabbat aisa rishta hai
keh jis meN bandhney vaaloN k
diloN meN gham nahiiN hota

muhabbat aisa pauda hai
jo tab bhi sabz rehta hai
keh jab mousam nahiiN hota

muhabbat aisa rasta hai
ager pairoN meN larzish ho
to yeh mehram nahiiN hota

muhabbat aisa darya hai
keh baarish ruuThh bhi jaaye
to paani kam nahiiN hota!