miley kaisey sadiyoN kii pyaas aur paani, zara phir sey kehna
baRri dilruba hai yeh saari kahani, zara phir sey kehna
kahaaN sey chala tha judaai ka saaya, nahiiN dekh paaya
keh rastey meN thii aansuoN ki ravaani, zara phir sey kehna
hava yeh Khabar tuu sunaati rahey aur maiN sunta rahuN
badalney ko hai ab yeh mausam Khizaani, zara phir sey kehna
mukar jaaney vaala kabhi zindagi meN khushi phir na paaye
yuNhi Khatm ker laiN chalo yeh kahaani, zara phir sey kehna
samay k samandar! kaha tu ney jo bhi suna, par na samjhey
javaani ki naddi meN tha taiz paani, zara phir sey kehna
Pakistan Rupee Exchange Rate
No comments:
Post a Comment