barsooN say kon tha jo muheet-e-hawaas tha

رہنا صف ِ عدو میں مجھے یوں بھی راس تھا 
ہر شخص ہی وہاں پہ طبیعت شناس تھا

خود سے ملا تو پوچھ ہی لوں گا میں ایک دن
برسوں سے کون تھا جو محیط ِ حواس تھا

الجھا سا، سوچتا سا، بکھرتا سا، زرد زرد
موسم بھی آج میری طرح سے اداس تھا

اپنی تمام عمر کی پونجی کو جوڑ کر
لایا تو اس نے کہ دیا، سستا لباس تھا

بکھری ہوئی تھیں چہرے پہ سہمی حکایتیں
اب آینہ ہی کب میرا چہرہ شناس تھا

آیا جو میرے قتل کو خنجر بکف ہجوم
تو لب پہ اسکے میرا ہی حرف ِ سپاس تھا

نیزوں پہ سر بلند ہوئے حق شناس جب
قاتل شکست خوردہ محو ِ ہراس تھا

فرخ تمام شہر پہ خوابوں کا سحر تھا
تعبیر ِ خواب سوچ کے بس میں اداس تھا

Rehna saf-e-udoo meN mujhay yuN bhi raas tha
her shakhs hi wahan peh tabiyat-shanaas tha

khud say milla to pooch hi looN ga maiN aik din
barsooN say kon tha jo muheet-e-hawaas tha

uljha sa, soochta sa, bikharta sa, zerd zerd
mosam bhi aaj meri terha say udaas tha

apni tamaam um’r ki poonji ko jorr ker
laaya, to us nay keh diya sasta libaas tha

bikhri huii thin chehray peh sehmi hikayataiN
ab aaina hi kab mera chehra shanaas tha

aaya jo meray qat’l ko khanjar ba-kuf hujooM
to lab peh uskay mera hi herf-e-sapaas tha

naizoN peh ser-buland huey haq-shanaas jab
qaatiil shikast khoordah mehw-e-hiras tha

Farrukh tamaam sheh’r peh khawaboN ka sehar tha
Taabir-e-khawab soch keh bus maiN udaas tha