Bichhar Kar Tujh sey, Tera Pata Dhuundtey Rahey

Kal Zehen Men Hum Baad eSaba Dhuundtey Rahey,
Bichhar Kar Tujh sey, Tera Pata Dhuundtey Rahey,

Jo Dekha Bhi Kisiko, Dekha Terey Tasavvur Men,
HuM Chehron Men Chehra Tera Dhuundtey Rahey,

Jo Baat Bhi Ki Kisi sey To, Ki Teray Hawaley Sey,
HuM Lehjon Men Lehja Tera Dhuundtey Rahey,

Meri Deewangi Men Kuch Qasoor Mera To Na Tha,
Tamaam Qissey Men Hum Apni Khata Dhuundtey Rahey,

Kabhi Kho Kar Paaya Tujhko, Kabhi Paa kay Khoya,
Teri Jafaaon Men Hum Apni Wafa Dhuundtey Rahey...