AaNsuoN ka hisaab rakhta hai

AaNsuoN ka hisaab rakhta hai

dil meN kitney azaab rakhta hai

jaaney kis ki hai qabr  jis par

roz wo taazaa gulaab rakhta hai

jaag kar kaat_ta hai shab aksar

aur palkoN pey khwab rakhta hai

uljhaneN hain sabhi k seeney meN

kaun ab dil e inqlaab rakhta hai

woh jo aa jaaye to noor-sa bikhrey

aaNkh meN aaftaab rakhta hai

ab aaiina bhi bohat pareeshaN hai

rukh pey hardam naqaab rakhta hai

us ko yaad kii dhoop jab sataati hai

sar pey meri kitaab rakhta hai.

woh jo chahey to kaya nahiN hoga

yuN hi khana-kharaab rakhta hai.

gungunata hai chup k meri ghazal

shauq to woh lajawaab rakhta hai

sheikh jee us sey door door hi rehna

wo bohat purani sharaab rakhta hai