meri num aankhon ko na tum dekho haqaarat sey

Mein titliyon ko sula duun ga zara tum shaam honay do,
Main jugnuon ko jaga duun ga zara tum shaam honay do,

meri num aankhon ko na tum dekho haqaarat sey,
main tumko bhi rula duun ga zara tum shaam honay do.

tumhain qaidi banaya hay ujaaR aankhon ki hasrat ka,
rihaai bhi dila duun ga zara tum shaam honay do.

kahan aghaaz hota hay kahan anjaam hota hay,
hunar saary sikha duun ga zara tum shaam honay do.

jo tum nay mujh sey poocha hay kahan hogi tumhari shaam,
jahan hogi bata dun ga zara tum shaam honay do.

Mera imaan hai tum ko andheray chuu nahi saktay.
Mein apna Ghar jala dun ga zara tum shaam honay do..!