Rishta-E-Intezaar Toot Gaya

Aaj Ashkon Ka Taar Toot Gaya,

Rishta-E-Intezaar Toot Gaya,

Yuun Tum Thukra K Chal Diye Goya,

Ek Khilona Tha Pyaar Toot Gaya,

Roye Reh Reh Kar, Hichkiyaan Leykar,

Saaz-E-Gham Baar Baar Toot Gaya,

Aap Ki Berukhi Ka Shikwa Kaya,

Dil Tha Na-Paayedaar Toot Gaya,

Dekh Li Dil Ney Be'sabati-E-Gul,

Phir Tilism-E-Bahaar Toot Gaya,

Kaya Chaar Din ki Ranjish Sey,

Itni Muddat Ka Pyaar Toot Gaya