Door Tak Phaila Huwa Aik Wahma Reh Jaye Ga
Tu Nahi Hoga To In Aankhon Men Kaya Reh Jaye Ga
Apnay Darwazay Pay Dastak Doonga Teray Naam Ki
Khud Say Milnay Ka Yahi Aik Raasta Reh Jaye Ga
Hurf Perchayeen Ki Surat Neend Maen Beh Jaayen Gay
Or Kitaab -e- Umr Ka Safha Khula Reh Jaye Ga
Rafta Rafta Tu Bhi Mujhay Bhool Jaye Ga
Aik Din Mujh Ko Bhi Tera Dhayaan Sa Reh Jaye Ga
Teray Sathi Teray Dushman Ki Taraf Ho Jaayen Gay
Is Bharay Melay Main Tu Be-Aasra Reh Jaye Ga
Toottay Pattay Gawahi Dain Gay Mousam Kay Khelaaf
Sookhti Shaakhon Pay Manshoor -e- Hawa Reh Jaye Ga
Har Zamanay Kay Liye Zinda Hawala Hoon Saleem
Main Chala Jaaoon Ga Mera Tazkera Reh Jaye Ga
Pakistan Rupee Exchange Rate
No comments:
Post a Comment