yun bhi hota hai

yun bhi hota hai barson key do hamsafar
apney khawabon ki taabeer sey be'khabar
apney ehd-e-muhabbat key nashey men gum
apni qismat ki khoobi pey naaza'n    magar

zindagi key kisi morr per kho gaey
or aik doosrey sey juda ho gaey

yun bhi hota hai do ajnabi raah'roo
apni raaho'n sey manzil sey naa aashna
ik ko doosrey ki khabar tak nahi
koi paiman-e-ulfat na ehad-e-wafaa

itafaaqaat sey is tarah mil gaey

saaz bhi baj uthey phool bhi khil gaey!