koi mosam to aisa ho

koi mosam to aisa ho

keh jab bichhrray huwon ki yaad kay jugnoo
chamak kho dain
kisi kay hijar men ronay say pehlay hi
mairi aankhain kabhi so dain

koi mosam to aisa ho !!!

keh jab sub phool ulfat kay
kisi un'mit mohabbat kay
meray dil men khilain,per
un men who khushboo na ho baqi
woh khusboo jo tumharay qurb say mahsoos hoti thi

koi mosam to aisa ho !!!

keh dil kay zakham bhar jaayen
agar aisa naheen hota to phir
kitna hi acha ho keh saari khawahishain dil ki
woh saray khawab aur armaan
youn hi ghut ghut kay mar jaayen
mujhay azad ker jain

koi mosam to aisa ho !!!