یہ دِکھاوے کا پیار کتنے دن؟
دوست یہ کاروبار کتنے دن؟
یہ جو اِنکار کرتے رہتے ہو
اِس طرح میرے یار کتنے دن؟
میںنے مانا کہ خوبصورت ہو
جانِ جاں یہ بہار کتنے دن؟
سوچتا ہوں ترے حوالے سے
اب یہ صبر و قرار کتنے دن؟
میں مکمل اُداس تھا لیکن
تم رہے سوگوار کتنے دن؟
کتنے دن روئیںگی مری آنکھیں
رنج و غم کا شمار کتنے دن؟
موم ہونا پڑے گا پتھر کو
یہ انا کا حصار کتنے دن؟
تجھ کو تو بھولنے کی عادت ہے
پھر تِرا اعتبار کتنے دن؟
خود ہی رُخصت کِیا اُسے عامر
پھر کِیا انتظار کتنے دن؟
Pakistan Rupee Exchange Rate
No comments:
Post a Comment